Малите спални соби често изгледаат натрупано, бидејќи недостига поден, како и складирачки простор. Спалните соби треба да се удобни и релаксирачки, сепак самиот мебел ги прави натрупани кога не е соодветно избран. Но и спалните соби може да изгледаат средено, просторно, со помош на осветлувањето, плакари, огледала итн.

Мало но удобно место за одмор и релаксирање

ЅИДОВИ

Бојата со која ќе ги обоите ѕидовите е од основно и големо значење за добивање на просторност во собата. За мали спални соби секогаш избирајте стимулирачки и светли бои. Користете ги белата и кремовата боја како основни бои. Тие визуелно ќе го зголемат расположливиот простор. Ако сакате да додадете некој акцент со појака боја, направете го тоа, но врз помала површина од ѕидот. Предноста во користењето на светлите бои се состои во нивната способност да ги рефлектираат светлосните зраци кои паѓаат, врз потемните делови од просторот. Во случај на мала соба за оваа намена, не се препорачува користење на повеќе од една боја за ѕидовите како и таванот, а истотот важи и за прозорците и вратите, кои идеално треба да се одржани во иста боја.

Футон кревет за повеќе простор во собата

КРЕВЕТ

Креветите на преклопување се чести алтернативи за мали спални соби. Ги има во повеќе видови, а најмногу простор заштедуваат оние кои се креваат и со еден зафат се складираат потполно во ѕидот, оставајќи го под и околу себе целиот поден простор слободен.

Кревет и работна маса во едно, иновативно и декоративно заштедување на простор

Доколку не сакате секојдневно да се занимавате со спуштање и кревање на креветот, одлучете се за платформен кревет во помала димензија. Тие се ниски кревети кои најчесто се сосема спуштени врз подот, со што над нив се ослободува повеќе простор. Или пак одлучете се за футон кревети, кои изгледаат како софа кога не се користат за спиење, а кога се користат за тоа може да се продолжат во вистински кревет. Доколку се работи за детска соба, за две деца, поставете катен кревет. Размислете исто така и за кревет кој под себе содржи дополнителен складирачки простор. Тоа е најочигледниот начин за создавање на простор во спалната, со искористување на просторот под неа. Наместо платформски или пиедестален кревет, употребете кревет кој под него има фиоки за извлекување. Во нив можете да складирате постелнина, перници, покривки и други предмети кои одземаат многу место, а се користат во спалната соба. Некои кревети имаат фиоки на влечење, додека пак други имаат подигнувачки механизам.

Платформски кревет за визуелно висинско зголемување на просторот

СКЛАДИРАЧКО МЕСТО

За малите спални соби оваа тема е многу важна. Одговорот е креветното складирање. Тоа може да биде функционално монтирано под самиот кревет и она дополнителното складирање со помош на шкафовите и кабинетите кои одат заедно со спиечкиот кревет. Бидејќи овие шкафови и нивните фиоки стандардно се со помали димензии, секако дека нема да се доволни за складирање. Заради тоа размислете и за поставување на следните елементи во спалната соба.

Детска спална соба со функционална искористеност на просторот

ПЛАКАР/РЕГАЛ

За складирањето на облеката идеални се плакарите, кои најдобро е кога се провлекуваат по целата должина на висината од собата. Уште подобро е кога плакарот е монтиран во ѕидот. Со тоа имате голем простор за складирање и тоа на повеќе катови и нивоа. Регалот исто така треба да е повисок и во ширина помал. Во основа мебелот, било за кој елемент да се работи, не треба да е крупен и масивен, кога се работи за мала спална соба.

Огледален плакар и регал во едно, за дополнително зголемување на просторот

Размислете и за креирање на свое уникатно парче мебел, во кое ќе бидат имплементирани повеќе функционални единици, како на пример регал со дополнителна ноќна маса/шминкерка на средината, плакар чија предна страна е покриена со големо огледало и сл.

Уникатна спална соба со максимално искористување на ѕидниот простор

ТЕЛЕВИЗОР

Големите и масивни телевизори секакок дека одземаат простор. Ако сте љубител на гледањето тв во спалната соба, поставете тв со рамен екран кој може да се монтира врз ѕидот.

ОГЛЕДАЛА

Декоративните огледала поставени на ѕид исто така создаваат илузија на просторност. Поставете на плакарот, регалот, на ѕидот, па дури и на таванот ако не ви пречи тоа. Поставувањето на огледала спротивно од извори на светлината, ќе обезбеди повеќе светлина во собата, а со тоа и просторност.

Декоративни огледала за рефлективно зголемување на реалниот изглед

ОСВЕТЛУВАЊЕ

Малите спални соби треба да имаат меко и нежно светло. Поставувањето на светла во близина на креветот, на просторот му дава поголема појава. Може да се послужите и со затемнувачи на одредени места. Избегнувајте самостоечки ламби. Наместо нив, користете монтирачки светла. Вертикални светла кои се монтирани на таванот се исто така добар избор, со што се заштедува просторот од долниот дел на собата, а се исполнува горниот, кој најчесто стои празен. Амбиенталните, акцентирачките и флуоресцентните светла се идеални за мали спални соби. Големите прозорци или врати и поголемото количество природна светлина во собата, исто така може да создадат илузија на просторност.

Видови вештачки осветлувања на мала спална соба

ДЕКОРАТИВНИ ПРЕДМЕТИ

Постојат мноштво на предмети кои истовремено служат за декорирање и за функционално искористување на просторот. Така на пример искористете тапета со хоризонтални мотиви. Околу креветот или шкафовите поставете дамаск драпери со вшиени џебови за складирање. Искористете го просторот над некој елемент и поставете некој декоративен и воедно складирачки елемент, ги има најразновидни на пазарот и од различни материјали и дизајни.

Аголно поставување на кревет во мала спална соба

Аранжирајте го мебелот во собата на агли, што не е секогаш можно, но со мали парчиња мебел секако дека е. Ова се прави со цел да се одвлечат визуелните линии од ѕидовите. Набавете мебел со тенки рамки, за мал волумент, но со поголема висинска платформа. И не заборавајте дека светло обоениот мебел поставен во светло обоена соба, придонесува за визуелно поголем простор.

1. MY DECO 3D ROOM PLANNER

Ако сакате да го обновите вашиот базен план, или да играте со подни покривки за да видите како би изгледал вашиот под, оваа програма ќе ви биде од помош. Оваа програма ви дозволува вметнување на ѕидови, врати, прозорци и избор од мноштво на ентериерни финиши. Интерфејсот е ралативно едноставен за употреба и ви дозволува да го гледате вашиот план и 3Д сликата истовремено. Можете да ја придвижувате камерата наоколу на различни погледи и дури да го обојувате ѕидот и таванот со одредени бои кои се на располагање.

За да го направите просторот пореалистичен, употребени се реални производи кои имаат можност да се внесат во вашиот модел. Може да изберете од мали кујнски додатоци до градинарски алатки во вашата гаража. Може да го користите софтверот без поврзување или со поврзување на нет и аплоудирање на вашиот модел на Facebook профилот. За сите корисници на Iphone, овој програм исто така има Free app за даунлодирање на 3Д мебел во вашата соба.

2. IKEA HOME PLANNER

ИКЕА има бесплатен софтвер кој ви дозволува да го планирате вашиот мебел, декор на спецификациите на вашиот дом. Кога ќе прелистате низ каталогот на ИКЕА, сигурно посакувате понекогаш да ја имате истата полица или маса при рака за да видите како би изгледала во вашиот дом.

3. IKEA KITCHEN PLANNER

ИКЕА исто така дизајнира планер алатка за кујни кој ви дозволува да ја поставите вашата кујна, да правите промена на модели, мебел и други кујнски елементи и додатоци. Можете и да си составите купувачка листа од производи на ИКЕА. Со внесување на вашите моментални димензии на просторот, врати, прозорци и др., можете да испланирате како просторот ќе работи во заедништво со мебелот, дополнителните елементи и организацијата на производите на ИКЕА.

4. DESIGN A ROOM

Сигурно е напорно да поминете низ мноштво на продавници и да однесете дома од секоја по некој примерок и од нив да составите потоа комбинација. Проблемот е решен. Армстронг има фина 3Д виртуелна програма која ви дозволува да гледате разни комбинации на бои на подови, мебел, тавани, ѕидови и др. елементи на просторот во домот.

Овој програм дозволува да испробате избор на соба во вашиот дом, потоа избор на стил (од современ, традиционален до глобално фузиски) и играње со бои, текстури и финиши. Изборот на финиш во една соба може да е заплашувачка задача, но Армстронг ви овозможува да изберете од нивниот веќе инсталиран асортиман на финиши и дури и избор на боја од одреден произведувач.

Дизајн алатката е за оние кои сакаат да видат како би изгледала собата која ја дизајнираат пред таа да е готова. Најдоброто нешто кај овие 3Д бесплатни онлајн алатки е што можете да научите нешто за производите пред да ги купите. Библиотеката на Армстронг за патосирање и за тавански селекции ви дава едукација за производите. На пр. кога се избира некое капатило, на страната се појавува порака која вели дека се препорачува дрвно патосирање за таа апликација.

5. HOMESTYLER

Autodesk, кој е производител на најпознатите програми AutoCad, Revit, 3D Studio Max, познат е за професионално дизајнираните програми за креирање на згради, 3д згради, модели и рендерирачки капацитети. Тие исто така создадоа исклучителен програм за планирање на домови, канцеларии, станови и др. Овој програм не бара формално вежбање и голема подготовка за него.

За правење на подни планови, едноставно командите за влечење и спуштање ви дозволуваат созадавање на димензии и аголни ѕидови во вашиот дизајн. Вратите и прозорците доаѓаат во бројни варијации и не бараат познавања за типови, видови, особини и сл. Тоа што е фино за овој програм е тоа што може да се користи првобитната верзија или да се купи професионалната верзија на истиот.

Алатката за мебел и декорации овозможува влечење и спуштање на елементи и додатоци. Потоа персонализирајте го вашиот простор со килими и предмети од одредени произведувачи.

Кога вашиот дизајн е готов може да ја испечатите шопинг листата и да ја понесете во продавница. Ако сакате да ги споделите идеите со пријателите и тоа ви е овозможено со Facebook, е-маил и сл.

6. DRYWALL ESTIMATOR

За оние кои сакаат сами да прават сé, следниот програм е идеален за нив.  Откако ќе поставите како сакате да изгледа просторот, спремни сте да започнете купување на материјали за стартување. Bobvila.com поседува група на онлајн алатки кои помагаат во пресметката колку материјал ви е потребно и ќе ви помогне како да го скицирате и мерите просторот за да заштедите време, трошоци. Овој програм користи страници/листови за скицирање и дијаграми, за покажување како да ги правите мерењата.

Првиот чекор е да ги искористите бесплатните работни лисја за скицирање на собата со димензии и бројки за секој ѕид на вашиот дијаграм. Откако ќе го направите тоа одговарате на поставените прашања за одреден ѕид, со што ќе добиете дополнителна помош.

Следниот чекор е поставување на формата на таванот и одговарање на поставените прашања за одредени карактеристики. Програмата ви покажува како страните ќе бидат легнати кога ќе ги инсталирате. Ова е од помош за одрдеување на квантитетот и разбирање на проектот пред да се имплементира.

Последните чекори вклучуваат мерења околу изведби, прозорци, врати, премини. Овие области ќе ви помогнат во одземањето од целосниот ѕиден простор кој е измерен во претходниот чекор. За оние кои самите сакаат да го реновираат својот дом, оваа бесплатна онлајн алатка ќе им биде од голема помош. Оваа програма има придружни програми кои ќе ви помогнат со следната реновација, боја, керамика, изолација и др. елементи.

7. SWEET HOME 3D

Овој 3Д визуелен програм е идеален за оние кои сакаат повеќе оптимализирачки опции за една просечна соба и декорно планирање на просторот. Онлајн софтверот е бесплатен со барање на логирање и мала почетна информација. За понапредна верзија на овој програм може истата да ја спуштите со зачувување.

Интерфејсот е поделен на 4 секции: 1.) Каталог за мебел е во горниот лев агол и ви дозволува избор на компонентите по име со кликање. 2.) Базниот план е прикажан во 2Д формат каде ѕидовите, вратите и мебелот се сместени. 3.) 3Д плочата го покажува вашиот план во 3Д начин веднаш по сместувањето во базниот план. Овој поглед им помага на корисниците во визуелизацијата на нивниот дизајн. 4.)На крај, листата на домашен мебел прикажува димензии, големини и др. на секој елемент.

Дополнителниот бонус на овој програм овозможува поставување на 3Д мебелските модели, доколку не можете да најдете нешто во дадениот каталог. Импортирајте ваши модели директно во планот, потоа може да ги зголемувате или намалувате елементите по желба. За оние кои се заинтересирани за шетање низ планот, постои камера која може да се постави по одреден пат и видео дополнителниот додаток дозволува визуелизација каква ќе биде вашата интеракција со целиот простор и елементи во него. Овој програм може да е едноставен, но ја има напредната опција за оние кои сакаат нештата да ги доживуваат и гледаат во 3Д.

8. SMARTDRAW:

Е програма за визуелна графика и презентации. Графичките избори вклучуваат мапи и графи како: проект мапи, временски дијаграми, пазарни дијаграми и тековни графи. Под тековниот дијаграм се наоѓаат аплкациите за базниот план и индивидуални собни планирања.

Изберете од галерија на направени базни планови и потоа задавајте ваши мерки. Овој програм дозволува дизајнирање, одредување, подесување на почетно и професионално ниво. Се користи за планирање на канцелариски простори, станови, индивидуални соби и згради.

Многу малку нешта постојат кои не можете да ги направите со овој програм. Со неговиот скоро безграничен асортиман на мебел, градежни материјали, дадени планови и др., овој програм е навистина корисен.

Следните програми се за оние кои не сакаат да поминуваат многу време на компјутер, а сакаат да скицираат цртеж за да го достават на некој изводител, дизајнер или друго стручно лице.

9. SMALL BLUE PRINTER: FLOOR PLANNER

Оваа програма е едноставна, но ефективен начин за правење на базни планови. Често имате идеја и потреба за базно планирање, нели? Оваа програма ви обезбедува можност за создавање на базен план со влечење и спуштање на ѕидови, прозорци, врати. Не бара големо познавање и стручност за користење на програмата или пак познавања од страна на ентериерен дизајн и декор.

10. SMALL BLUE PRINTER: GARDEN PLANNER:

Споменавме девет од најдобрите бесплатни онлајн визуелни програми за планирање на домот, мебелот, ентериерот. Но не споменавме градини. Оваа програма го обезбедува токму тоа. Слично на скицирање базен план, планерот за градини ви дозволува дизајнирање и поставување на ѕидови, мебел, растенија, сé во едно работно место. Со кликање на парчето мебел се видливи неговите димензии и боја и лесно може да се променат и зададат.

Поставувајте патеки, огради, фонтани и водени додатоци со што ќе ја продолжите и проширите вашата визија или само забавувајте се.

Има мноштво на 3Д онлајн виртуелни програми кои ви овозможуваат планирање, дизајнирање, цртање и гледање на вашиот простор. Во зависност од вашето искуствено ниво и од темата и како сакате да го презентирате финалниот план, за секоја цел има одреден програм кој најмногу одговара.

Вистинскиот избор на ролетни или затемнувачи за прозорците не е лесна задача, затоа што во денешницата ги има во голем број на варијации. Постојат многубројни индивидуални типови на ролетни, од кои секако дека постои некој за сечиј вкус. Без разлика дали одново градите или ремоделирате или пак сакате само да го освежите изгледот на просторот, ролетните се извонредни сегменти со кои се нуди можноста за внесување на стил, приватност, декор во сечиј дом. Тие ја поседуваат способноста да го комплетираат дизајнот на секоја соба, дом, работен простор.

Хоризонтални алуминиумски ролетни со широки летви

Бидејќи ги има во најразлични изведби, видови, типови, бои и материјали, донесувањето одлука за избор на ролетни во основа потребно е да се направи внимателно и грижливо. Прво нешто од кое треба да се тргне е разгледување и проценување на прозорецот кој сакате да го покриете. Потребно е да ја дознаете неговата функција, пред да изберете некој вид на ролетна. Системот на прозорецот треба да соодветствува со оперативниот систем на ролетната или затемнувачот. Потоа информирајте се за видовите на ролетни и затемнувачи достапни на вашиот пазар. Во склоп и соодветност со дизајнот и стилот на собата, донесете одлука за избор. Не заборавајте да побарате совет од стручните лица, кои детално треба да ви ги објаснат сите подробни детали, оперативни и ракувачки системи, негативни и позитивни карактеристики за секој вид на ролетна или затемнувач, што секако ќе ви биде од голема помош.

ОСНОВНИ ВИДОВИ

Хоризонтални ролетни – Најчесто среќаваните ролетни се летвените ролетни кои се состојат од многубројни хоризонтални летви, обично направени од метал, винил или дрво, поврзани со врвка/жица на начин кој овозможува ротирање на истите за да се овозможи светлината да поминува меѓу нив, да се ротираат за да не поминува светлина и да се креваат и спуштаат според желба и потреба.

Вертикални ролетни – Во основа користат пошироки летви и ја поседуваат дополнителната особина да бидат способни за повлекување на една врвка за подредување на летвите на едно место заедно или на една страна или да се издвојат во средината. Дозволуваат ротирање на летвите преку ротирачка осовина. За разлика од хоризонталните, овие се помалку подложни на оштетување од силни ветрови и помалку држат прашина, но полесно се кршат. Во основа полесни се за ракување и одржување. Најчесто се среќаваат во бизнис простори, ходници и сл., направени од дебела пластика или ткаенини.

Вертикални ролетни од ткаенина

Целосни ролетни – може само да се креваат или спуштаат и се нарекуваат уште и затемнувачи. Тие се видови на ролетни кои исто така ги има во различни типови, такви кои се ткаени од дрво, направени од најразлични ткаенини и материјали, со или без дупки и сл.

Во основните видови на ролетни и затемнувачи има повеќе типови на различни изведби според големина, материјал на изработка, оперативни системи, бои, дезени итн. Секој од нив има сопствени особини, како функционални така и декоративни.

ТИПОВИ НА РОЛЕТНИ И ЗАТЕМНУВАЧИ

Ролетни од дрвена изведба во склад со стилскиот дизајн на мебелот

ДРВЕНИ РОЛЕТНИ – Нудат топол и гостопримлив изглед на секој декор. Богато обоени или лакирани, дрвените ролетни се модерните алтернативи за поранешните капаци на прозорците. Во најново време модерни се дрвените ролетни со популарната безјамска опција, за сосема да ја запре свитлината да навлегува во домот. Некои дрвени ролетни доаѓаат со опцијата за моторизација или кревање без ленти/врвки, со што се обезбедува уште поголема сигурност при ракувањето со нив. Дрвените ролетни можат да бидат најразлични во изведбата, од венецијанки до вообичаено тргачки.

РОЛЕТНИ ОД ЛАЖНО ДРВО – Хоризонталните ролетни од лажно дрво се добар избор на две полиња. Го имаат изгледот на луксузните реално дрвени ролетни, но со помала цена на чинење. Бидејќи се направени од синтетички материјал исто така нудат лесно одржување и чистење. Не треба да се грижите за напукнување или расцепување на дрвото заради влага и вода, па затоа идеални се за во капатила, гаражи, детски соби и сл. Достапни се во тврд винил или во комбинација на винил со дрво за поголема цврстина.

РОЛЕТНИ ОД ТКАЕНО ДРВО – Затемнувачите од ткаено дрво се вистински избор за секој декор. Ситничаво ткаени за најразлични степени на светлосно проникнување и филтрација, постои избор од полн асортиман на густо до лесно ткаено дрво. Се креваат или спуштаат со лесно и глатко движење. Уште се нарекуваат и бамбусови затемнувачи. Богати се во карактер, природно ткаените дрвени затемнувачи во комбинација со чисти линии и тексури, се од голем интерес кај дизајнерските финиши. Ефектот е топла, поканувачка и природна покривка за прозорец.

Венецијански ролетни со електричен оперативен систем на управување

ВЕНЕЦИЈАНКИ – Имаат хоризонтални летви кои се поставени една врз друга, направени од метал или пластика, понекогаш од дрво или бамбус. Кај нас обично венецијанските ролетни се асоцираат со алуминиумските ролетни.

АЛУМИНИУМСКИ РОЛЕТНИ – Алуминиумските ролетни нудат мазен, елегантен изглед. Тие се добар избор кога постои потребата за издржливост и трајност. Ги има во различни големини, боја, дебелина и сл.

ЌЕЛИСКИ РОЛЕТНИ – Ќелиските ролетни уште се познати како шупликасти. Гледани од страна имаат изглед на шупликаста пчелина пита. Ги има во изведба на светлосно филтерски ткаенини и ткаенини за затемнување на просторот. Ги има во неколку конфигурациски системи, стандардни, од горе кон долу, од долу кон горе и др. Спаѓаат меѓу најпопуларните покривачи за прозори, со нивниот свеж, чист стил и многустраност. Меките, а сепак истрајни затемнувачи се достапни во едно, дво и трослојни шупликави изведби за поголема енергетска ефикасност. Кога се кренати тиа се компактни, за чист видик. Може да се моторизираат, без врвка или да вклучуваат специјални кревачки опции.

НАБОРНИ ЗАТЕМНУВАЧИ – Нудат атрактивна комбинација на висока мода, добра вредност, лесна инсталација и убедливо лесно управување. Едноставно стилизирани и дизајнирани, наборните затемнувачи се економични. Изберете меѓу широк асортиман на текстилни материјали и ткаенини. Тука спаѓаат римските ролетни.

Римски ролетни за покривање на масивни прозорци

РИМСКИ РОЛЕТНИ – Овие ролетни исто така се направени од ткаенина и се свиткуваат од долу во меки набори, нудејќи атрактивен брановиден изглед. Кога римските ролетни се спуштени, тогаш лежат рамно, без набори. Римските ролетни го доловуваат изгледот на скапоцени затемнувачи за работна соба за цена која пријатно изненадува. Овие кроечки и мазни затемнувачи се направени од фин драперски материјал, но нивниот супериорен управувачки и контролен систем ги прават многу полесни за инсталирање и ракување. Римските затемнувачи понекогаш нарекувани уште и римски ролетни, се убав и популарен декоративен и стилски елемент на денешницата, вклучувајќи голем избор на бои и текстури. Ги има во најразлични изведби и оперативни системи.

БАМБУСОВИ РОЛЕТНИ – Убави и популарни, водени со самиот тренд кон зеленото и природното. Бидејќи бамбусот е брзо растечко растение и материјал кој го има во големи количини, често се користат, а истовремено е и лесен за одржување, со добар изглед. На просторот му даваат топол изглед и лесни се за чистење.

Бамбусови ролетни за природен и топол изглед на просторот

ЛИЗГАЧКИ ПАНЕЛ РОЛЕТНИ – Одличен избор се за француските прозорци или големи прозорци и врати. Овие вообичаено се прават од ткаенини, со што постои голем асортиман за избор, од боја, мотиви, дезени и сл. Овие панелни ленти исто така се идеални за лизгачки врати или може да се искористат како разделувачи на просторот. Богати се во карактер и ја носат природната убавина на дрвото од вашиот мебел до покривките на прозорците.

Лизгачки панел ролетни со богат дизајн на бои и текстури

Провидни ролетни – Се користат кога се сака да се постигне лесен изглед на собата (доколку приватноста не е на прво место). Може да создадете дури и разделувачи на просторот со помош на овие ролетни.

Провидни ролетни со електричен управувачки систем

КОЖНИ РОЛЕТНИ – Со кои можете да се искажете без да изговорите ниту еден збор. На секој прозорец му даваат уникатен и екстравагантен изглед. Одличен избор за домашни канцеларии, библиотеки или секоја ретро стилска соба.

ДИФУЗНО-СТАКЛЕНИ АКРИЛНИ РОЛЕТНИ – Создаваат возбудлив визуелен ефект со комбинација на изгледот од изрезбани стакла со убавината на природната светлина. Направени се од акрилик кој ја заштитува вашата приватност, додека ја пропушта природната светлина.

РОЛЕР И СОЛАР ЗАТЕМНУВАЧИ – Класичен ролер како затемнувач е понекогаш она што ви треба во собата. Ролер затемнувачите за соби се едноставни, ефективни и економични. Најчесто го блокираат целото осветлување од надвор. Достапни се во повеќе варијанти како филтери на светлоста или помрачувачи на собата. Се користат самостојни или со одредени прозорски додатоци. Соларните затемнувачи обезбедуваат извонредна заштита од сонцето додека го зачувуваат видикот. Често се нарекуваат очила за сонце на прозорците. Заштитуваат од сонцето на 4 начини: го штитат мебелот од УВ зраците, редуцираат блесок, ја расејуваат светлината и помагаат во контролата на топлината.

Ролер ролетна од провиден материјал со соларно затемнување

Ролетните кои ќе ги изберете за вашиот дом, треба да се доволно многустрани, да ја пропуштаат светлината кога ќе ви биде потребна, а истовремено да ја задржуваат приватноста. Да се лесни за одржување, да бидат истрајни, да нудат добра изолација на прозорецот и да придонесат во заокружување на целокупниот изглед на просторниот дизајн.

Тоа што го гледате на сликите е удобен и модерен кревет со истотака убава и модерна полица. Составено е од два дела, модуларно решение кое не зафаќа простор.

Оригиналното име му е “Recamier Reading Corner” од  дизајнерот Inbar Paradny Kalomidi.

Оваа интересна ѕидна апликација е направена од уметникот Катрин Андерсон, со ништо повеќе од само неколку клинести прицврстувачи и коноп. Ќе ви покажеме како може да си создадете своја лична домачна ѕидна апликација.

ПОТРЕБНО:

• Прицврстувачи

• Кафеав коноп или жица

• Парче дрво како напрсток

ИНСТРУКЦИИ:

1. Правење на надворешната линија – започнете со ставање наприкачувачите во ѕидот во основната форма на едно дрво кое сакате да го создадете. Употребата на парче дрво како напрсток ќе ви ги поштеди прстите од повреди. Може да искористите слика или фотокопија од некое дрво како модел за вашата работа. При тоа не бидете премногу симетрични со гранките, стеблото и лисјата. Во основа непарниот број на нештото изгледа подобро отколку парниот. Не се обидувајте да го направите премногу перфектно, зашто дрвјата не се. Затоа не бидете и премногу линеарни, отскокнувајте на одредени места, за потигнување на подобар ефект.

2. Започнете со намотување на конопот и тоа со замотување околу прицврстувачот. Започнете од стеблото/трупот на дрвото и потоа движете се по секој прицврстувач нагоре. Колку пати ќе замотате останува на вас.

3. Додадете особина – за да направите јазли, направете еден или два прстени од прикачувачите и намотајте го конопот во круг. Варирајте со големината на гранките и просторот меѓу нив, па нека има и такви кои ќе се преклопуваат.

4. Започнување и запирање – за да направите пауза, едноставно зацврстете го конопот силно со помош на прикачувач и замотајте неколку пати околу него.

Тркалата од работните столови со тек на време собираат нечистотија од различен вид. Тоа може да е обична прашина, земја која се внесува во просторијата од надвор, човечки влакна, влакна од животинско потекло итн., во зависност од просторијата каде е поставен столот. За полесно чистење на тркалцата од работниот стол, ќе ви помогнат следните инструкции.

ПОТРЕБЕН МАТЕРИЈАЛ

• платно или пластични облоги

• штрафцигер

• алкохол за бришење

• чистач на површини

• хартиени крпи или бришачи

• памучно метле

• рибачка четка

• нож за путер

• правосмукалка со тесно-отворен додаток

• маст/масло за подмачкување.

ИНСТРУКЦИИ

1. Ви изгледа познато? Тркала на работен стол во канцеларија со дрвен под, во прилично валкана состојба.

2. Доколку ви треба дополнителен доказ, еве зумирана слика.

3. Набавки кои се потребни: погоре наведените, во потребен материјал.

4. Заштитете го вашиот под со некое платно или пластични облоги, за да не се оштети подот или теписонот под столот.

5. Превртете го столот за подобар пристап до оските на тркалата.

6. Употребете четка за рибање за отстранување на поголемиот дел од нечистотијата.

7. Од сликата може да се види дека поголемиот дел од нечистотијата е отстранет со помош на четката, но некои лепливи материи останале.

8. Со помош на ножот изгребете ги залепените нечистотии. Поставете го сечилото на ножот во скоро паралелна положба со тркалата, држејќи го стабилно и сечкајте во иста насока во која се врти тркалото.

9. Во внатрешноста на тркалата има исто така голема количина на нечистотии, како на пример влакна и прав.

10. Следно, ги вшмукуваме влакната, прашината или животинските влакна, од внатрешниот дел на тркалцата.

11. За детално чистење може да се отстраната тркалата од лежиштето на столот, за што ќе ви биде потребен штрафцигер, во зависност од моделот на столот.

12. Употребете средство за чистење на површини, во течна форма или спреј, бришете со помош на сунѓер или бришечко платно, а потоа употребете алкохол врз памук со цел да се дочисте остатокот и да извршите дезинфекција.

13. Споредба на чисто и нечисто тркало. Резултаот е повеќе од задоволителен.

Designed by Mirko Ginepro

Designer : Curro Claret

Денешницата достигна навистина голем технолошки и структурален развој, што старите огништа какви што ги знаеше човештвото, одамна заминаа во заборав и се заменети со нови, стилски изведби. Денешните камини и печки се модерни, ефициентни, функционални, декоративни и еколошки пријатни. Изборот е навистина голем, од варијации на стилови и дизајни за избор од камини на дрвно согорување, електрични, пропански или гасни камини. Одлуката за каков камин да се стави во домот паѓа врз основа на тоа какво гориво ви е достапно за согорување и дали сакате камин кој истовремено ќе служи за затоплување на домот. Камините на природен гас се најпопуларни и во поголемиот број на случаеви, со подобри вредности. Сепак, камините на дрво и пропан повеќе одговараат во руралните домови и места, каде што не е возможно поврзување со гасни цевки. Електричните камини и гас камините ја имаат предноста да ја намалат потребата од чистење и полесни се за употреба. Ова се многу важни нешта за оние кои имаат здравствени проблеми со дишните патишта и се осетливи на прашина и пепел.

Камин на дрвно согорување во гранитно-камена изведба

Современ гасен камин во склоп со внатрешниот дизајн на собата

ДЕКОРИРАЊЕ НА КАМИНИ

Трансформирањето на собата во еден примамлив и привлечен  топол простор, најдобро се реализира со акцентирањето на вашето огниште на начин кој интегрира и форма и функција. Тоа значи дека треба да се обрне внимание на стилот, дизајнот, сигурноста и функционалноста на каминот, било кога се гради или веќе е изграден. Кога одбирате асесоари за каминот, земете ја во предвид темата и стилот на собата и вкупното општо чувство на домот. Во рустикалните и рурални дизајни секако дека најдобро решение е камин или печка одржани во истиот тој стил. Ова важи подеднакво за секое внатрешно уредување на домот. Асесоари кои одат заедно со еден камин ги има повеќе на број, како на пример поличниот оквир или рамка на каминот, разните држачи на дрва и трупчиња, вентилациската опрема, стаклената врата, запалките и опремата за чистење, паравани и др.

Високо декоративен и безбедносен, статичен камински параван

Мобилен метален камински параван

Имајте на ум дека повеќето асесоари за камини, служат за одредена намена, а потоа за декоративни цели. Така параваните помагаат во сигурното одржување на огнениот пламен и неговата топлина, додека држачите на трупчињата дрво, запалките за нив, се дизајнирани за полесно започнување и одржување на огнот. Секако дека некои додатоци, како звучниот систем на пример, се дизајнирани за да додадат луксузност на каминот.

Разновидни додатоци за камини на дрвно согорување

При изборот на додатоците за камин треба да се запази типот на камин за кој се купуваат. Асесоарите за гасниот камин не се исти со оние за камин на дрвно согорување. Најмногу треба да се внимава асесоарите да бидат сигурни за користење и самите тие да не бидат хазардни за околината

Современ електричен камин во минималистички стил

Самиот асесоар по себе може да претставува силен декоративен елемент. Затоа одлучете се за асесоари кои ви се навистина потребни и избегнувајте мешање на стилови. Одржете ги додатоците во една иста изведба и со тоа веќе поседувате функционални елементи кои истовремено се корисни и декоративни делови од непосредната околина на каминот или печката.

Поличниот оквир е најчесто фокусната точка на каминот, која бара посебно декоративно и внимателно третирање. Како и со сите изложувачи, оквирниот изложувач има потреба од одредена рамнотежа и пропорција. Не декорирајте само случајно. Имајте го следното на ум:

• Кога декорирате со предмети од различна големина и облик, започнете со поставување на повисоките предмети во позадина, а помалите предмети поставувајте ги, како што се движите, кон напред. Со тоа е обезбедена целосна видливост на изложеното.
• За оние кои стојат цврсто зад симетричноста, докажаната и вистинска формула која секогаш функционира е да се стави еден голем предмет во средината и потоа да се декорира од двете страни со исти предмети или со такви кои се многу слични по големина и по облик.

Симетрично и балансирано декорирање на просторот и неговите елементи

• Секогаш користете непарен број на предмети, кога декорирате во група. На пример, три свеќи наместо две, или пет мали вазнички наместо четири. Ова важи најчесто за сите сфери во декорирањето на предмети од една група.
• Едноставен декоративен стил може да добиете со поставување на два силни предмети од двете страни на рамката од каминот, а за одржување на чиста и права линија, не поставувајте воопшто ништо, некогаш тоа е токму вистинскиот изглед за одреден просторен дизајн. За навистина да се создаде фокус и внимание на еден елемент, поставете еден голем предмет во центарот од поличниот оквир.
• Предметите треба да одговараат еден со друг по боја, стил или тема. Најдобро е кога се поврзани еден со друг на некој начин.
• Рамнотежата не мора секогаш да значи совпаѓање на нештата. Бидете креативни и обидете се да избалансирате еден поголем предмет на едната страна со неколку помали предмети од другата страна.

Не натрупувајте. Оставете им на предметите меѓусебен простор, за да не се изгубат во мноштвото.

Балансирање и давање на рамнотежа меѓу изложените предмети на полицата

И секогаш потпирајте се на вашето око, тоа ќе ви каже ако нешто не е во ред. Експериментирајте сé додека не ви се допадне сосема изгледот кој сте го создале. И запаметете дека изложувањето не е постојано, можете во било кое време да го измените.

Предмети кои најчесто се изложуваат како декорација на каминскиот оквир се: часовници, свеќници, рамки со фотографии, слики, вазни, статуи, декоративни кутии, чинии, огледала, книги, колекции, растенија и др.

За што и да се одлучите, претходно разгледајте го расположливиот простор на каминот за декорирање, целокупниот изглед и стил на собата, како и потребата од одредени наменски додатоци.

АНАЛИЗИРАЈТЕ:

Секој плакар и неговиот сопственик треба да ѝ пристапат на организацијата на различен начин. Анализирајте колку го употребувате вашиот плакар и за која цел. Ако имате мноштво на облека за секоја сезона, тогаш концентрацијата треба да ја насочите кон организација која ќе ви помогне во брзото препознавање на облеката. Додека пак ако повеќе складирате канцелариски предмети и други набавки и предмети во плакарот, вашата организација бара катовно складирање и тоа според тежината.

ОБЛЕКА:

За сите оние со сезонско облекување, размислете за употреба на местото за обесување и тоа да го искористите стриктно за сезоната која следува. На овој начин не мора да гледате во облека која нема да ја носите. Размислете да си набавите организациски полици за плакарот, кои нудат делови за диплени, обесени облеки и за додатоци. искористете го вертикалниот простор во целост, ако има можност за тоа. Чевлите може да претставуваат проект сами за себе. Ако ги имате во поголемо количество, пристапете кон нив врз основа на тои кои од нив најчесто ги носите. Оние кои најчесто ги носите, поставете ги најгоре. Другите може да се складираат во различни кутии или сандуци.

НАБАВКИ:

Канцелариските набавки како хартија и папки, може да тежат кога се чуваат во еден обем. Размислете за складирање на фасциклите со хартија и документи на подот, но на висина од која ќе може лесно да досегнете до нив. Најчесто тоа се две кутии во висина и над нив сеуште ќе можете да обесете некои работи и истовремено да ги отворате кутиите без проблем. Доколку ви треба плакарот за складирање на помала количина набавки, употребете фиоки кои може да се етикетираат.

Ако поседувате мал плакар, кога купувате облека и набавки во иднина, размислете каде што ќе биде поставено. Понекогаш најдобриот начин да се излечи мал складишен проблем лежи во тоа да не се купува повеќе од тоа што може да собере. Складирањето секогаш останува да биде предизвик, сепак со планирање и анализирање, работата може да не биде толку напорна.

Азискиот внатрешен дизајн е стилски и високо класен начин на декорирање. За реализирање на овој стил постојат различни начини. Наједноставно уредување е тоа со внесување на одредени елементи од овој стил во домот. Во подем е современиот азиски декоративен стил кој е спој на модерниот ентериерен дизајн и елементарниот азиски рустикален стил.

Овој стил грубо може да го поделиме на јапонски и кинески внатрешен дизајн. Секој од нив се одликува со свои одредени карактеристики по кои се препознава. Една основна особина за двата стила е поставување на фокусот врз еден објект од собата.

Современ азиски стил на внатрешно уредување во домот

Кинески дизајн на уредување одржан во стариот народен дух

ЈАПОНСКИ ВНАТРЕШЕН ДИЗАЈН

Јапонското ентериерно уредување во основа се заснова на едноставна позадина исполнета со употреба на неутрални и природни бои. Овие бои се користат со цел да го намалат чувството на збиеност и натрупаност на просторот, поддржувајќи ја јапонската филозофија на едноставноста во уредувањето.

Јапонски внатрешен дизајн со експлицитни декоративни елементи

Класичен јапонски дизајн на дневна соба

ЈАПОНСКИ ДЕКОР И МЕБЕЛ

Јапонскиот внатрешен дизајн се изразува преку еден единствен удар на боја или преку некоја доминантна текстура. Боја која се користи за давање на дефиниција и форма на нештата во просторот е црната. Кога станува збор за материјали, најчесто се користат кедарот, оризовата хартија, јаворот, бамбусот, каменот и разни видови на ткаенини. Уметничките декоративни изработки се состојат од ламби од оризова хартија, фонтани и минималистички слики од водопади, гејши, азиски пејсажи и слично.

Овој вид на уредување често вклучува приложување на предмети во камари. Тоа се отвори или вдлабнувања во ѕидот, какви што се среќаваат и во македонското народно поднебје. Сместувањето на еднаков број на предмети во овие камари, симболизираат дисциплина.

Едноставност и чисти линии во просторот на јапонското уредување

Мебелот во јапонското внатрешно уредување тендира кон минимализам и мултифункционалност. Тој се состои од повеќе различни елементи, од кои ќе обрнеме внимание на неколку.

Футоните се елементи на мебелот кои се користат за седење и спиење. Од нив постојат најразлични нови и современи изведби.

Футон - азиски лежечки елемент

Јапонските Шоји паравани се едни од најпопуларните елементи во азискиот внатрешен дизајн. Направени се од дрвени рамки со решеткаст дизајн, во кој се сместени исечоци – плочи од оризова хартија. Некои се едноставни, а некои имаат прекрасни и сложени дизајни. Шоји параваните се користат како разделувачи на просторот во големите и како акцентирачки елементи во помалите соби, како декорација.

Шоји паравани во еден сплет на модерното и класичното азиско творештво

Тансуата се практични и шармантни јапонски ковчези или регали, кои се конструирани во скалеста, каскадна форма со што ги симболизирираат планините низ Азија. Во нив најчесто се складираат облеки, накит, садови и др.

Тансу скалест регал

Друг декоративен елемент кој може да се додаде во јапонски инспирираната соба е Котатсу масата. Ова е правоаголна маса во темен финиш и чисти линии. Поголемиот прој имаат затоплувачи-грејачи во средината на работната плоча и во Јапонија се сметаат за емоционален центар на домот.

Котатсу маса како акцентен елемент на собата

Ткаените сламени просторки со обоени рабови се популарни подни покривки во азиските ентериери. Овие просторки се викаат Гоза простирки. Во Јапонијаистите се користат за одење врз нив, седење и спиење. Имаат два одделни слоја. Едниот е сламен центар, а другиот е мекиот надворешен раб, обвиен во платно. Се користат и како покривачи на клупи.

Гоза подна покривка од ткаена слама

Друг класичен елемент на азиското внатрешно уредување е гонгот. Има неколку различни видови на гонгови и оној кој ќе го одберете, треба да е во размер со големината на вашата соба. Постојат класични гонгови, гонгови со дезени, такви кои се поставени на стоечка сталажа или пак такви кои висат на ѕидот или од таванот.

Змевски гонг

Употребата на јапонската и кинеската калиграфија е класичен и елегантен начин за декорирање на ѕидовите во една азиска тема. Може да се набават во готова форма или да си создадете свои апликации.

КИНЕСКИ ВНАТРЕШЕН ДИЗАЈН

Многу важен сегмент на кинескиот ентериерен дизајн е симболиката на боите. Црната боја ја репрезентира жената – јин и означува подмладување. Црвената го репрезентира мажот – јанг и симболизира добра среќа.

Други бои кои најчесто се среќаваат во кинескиот дизајн се зелената која ја поврзуваат со исхраната, белата – асоцира на бесмртноста и жолтата ја поврзуваат со земјата.

Најчесто асоциран со Кина е отворено обоен и тешко орнаментирани стил, потекнува од Чин династијата. Овој стил користи богати, вибрирачки бои, базирани врз црвена и жолта, златна, тиркизна, црна и светло зелена боја.

Денес повторно се оживува постариот стил на Минг ерата. Минг стилот е карактеризиран со едноставноста и воздржливоста. Дизајнот е чист, едноставен и прецизно симетричен. Овој стил ги користи боите црвена, бела и црна.

Класичен кинески дизајн на дневна соба

КИНЕСКИ ДЕКОР И МЕБЕЛ

Традиционалните кинески соби се поделени со решеткасти рамки кои обезбедуваат приватност, додека истовремено дозволуваат дифузното осветлување да поминува низ нив. Декорот често вклучува едноставни растителни аранжмани, слики, кинески латерни и бамбусови и свилени ролни. Вообичаените елементи кои се среќаваат во кинескиот дизајн вклучуваат темно дрво, камен или дрвени подови и полиран метал и лак.

Квалитет над квантитет е филозофијата која стои зад кинескиот домашен мебел. Еден единствен прекрасен предмет внимателно поставен е повеќе посакуван отколку поголем број на вообичаени предмети. Мебелот е најчесто правен од темно дрво со кабинети и сандаци, кои се мошне важни. Повеќето предмети се обложени со слонова коска, сребро, злато, бисер, жаде.

Модерен минималистички дизајн во кинески стил

Како ногарка за работно биро и маса, да ја искористите за друга намена?. Следува една идеа со сликовит опис , како сами да си направите држачи за звучки.

Материјали:

• Ногарка F60 , боја ( во случајов црна)
• Дрвена полица ( со димензии 40 см. х 35 см ) дебелина 25 мм.
  

Забелешка: доколку сакате за закачите поголем звучник тогаш ке треба да ставиде потешка долна површина.

ОПИС: Целта е да се создаде пар ефтини и едноставни сталажи за звучници. Ногарките се сосема адекватни за да се доведе звучникот до слушно ниво кога слушателот се наоѓа во седечка позиција и обоени во црно, добро се вклопуваат со другите просторни елементи. За базната плоча избрана е солидно дрвена полица со димензии 40 см. х 35 см. За да се склопи целата конструкција заедно, се користи навојна шипка од 8 мм, која може да се набави лесно и брзо од повеќе продажни места за таков вид на материјали, неколку навртки и завртки.

1.Ногарката има навртен клин заварен во внатрешноста на горниот дел од цевката, каде што е заштрафена монтираната плоча. Таа е отстранета за да се направи место за навојната шипка. Таа е фиксно залемена во две точки зад плочата и се отстранува со неколку зафати напред – назад, со помош на клешта. Од страната се избушува дупка, за потајно трасирање на каблите.

2. На полицата централната дупка е за монтирачката шипка, а втората е за кабелот. Може да се издлаби кружна форма која одговара на ногата, за нејзино полесно центрирање. Дрвото може да се премачка со лак или боја по желба, за да биде потрајно и поиздржливо.

3. Внесете ја шипката низ дрвото и поставете ја завртката. Направете го истото на горниот крај од основата и зацврстете.

4.Нанесете го кабелот и составете! Горната плоча ја зацврстува целата конструкција за да ја направи совршено вертикална и стабилна. Бидејќи под базната плоча има завртка и кабел, може да се залепат 4 гумени подни заштитни подметачи/гумички.

За малку повеќе хај-фај тач, може да се употреби сет од звучни конуси/шилци. Тие се малку поскапи, сепак добро ќе изгледаат.

Сите оние што сакаат оптички илузии следниве се во категорија мебел. Изработени се од Judson Beaumont од Straight Line Designs, Inc.

3D соба>работно биро со полици, гарнитура со клуб маса, со и без внатрешно осветлување, елемент под lcd tv. Проект во Archicad 13,рендер- Artlantis 3.02

Можноста за идеален избор на живеалиште според сопствените желби, не е секогаш реализирачка. Исто така и можноста за живеење во сопствени четири ѕида.

Условите во текот на животот се менуваат, а со секоја временска доба и местото на живеење. Дали е тоа самостојно живеење или делење на животната средина, дали е тоа во куќа, стан, зграда, апартман, секој сака во неа да се чувствува како дома. Сите оние кои немаат друга опција освен да живеат како потстанари, сами или со состанари, а при тоа сакаат да го поседуваат домашното чувство, во наредното излагање ќе пронајдат неколку помошни точки, кои треба да се земат во предвид за реализирање на таа цел.

Удобност, топлост и хармоничност во воздухот за домашен филинг

АНАЛИЗА И ПЛАН

Анализирајте го просторот кој ви е на располагање, внимателно разгледајте и забележете сé она што ви делува и изгледа позитивно и сé она што е негативно во вашите очи. Направете листа од оние области кои сакате да ги нагласите и реони кои сакате да ги минимализирате или сосема да ги отстранете. Анализирањето на просторот ќе ви даде план и скица да продолжите понатаму во создавањето на свој личен простор. Визуелизирајте како може да изгледа и држете се до таа слика во уредувањето. Отстранете го непотребното и тоа што е туѓо за вашиот вкус. Планирајте ваш простор со ваши лични нешта.

Интелигентен и комфорен домашен простор во современ стил

БУЏЕТ

Пред реализирање на секој план кој е зависен од финансиски средства, одредете колкав буџет имате на располагање. Лесно е да си создадете идеална слика во вашата глава како би сакале да изгледа просторот, а потоа да завршите со разочарување заради немање доволно средства за остварување на замислата, која е над лимитот на вашиот достапен буџет. Ако поседувате мал и ограничен буџет, набавете само неколку клучни и ситни елементи, кои ви се навистина неопходни и кои ќе ја отсликуваат вашата личност и ќе создадат удобен филинг во вашиот секојдневен престој во домот. Доколку имате стари парчиња мебел од вашиот претходен дом, а сте емотивно врзани со нив и ве прават да се чувствувате убаво и комфорно, не двоумете се и поставете ги слободно. Килимите, декорот на прозорците, креветите и др. елементи, се нешта кои навистина може да чинат релативно малку пари, а да додадат топлина, боја и чувство на просторот за миг. Доколку имате поголем буџет на располагање, дозволете си неколку основни елементи мебел кои ќе ви го разубават и освежат престојот во домот, а истовремено функционално секојдневно ќе ги користите. Седечките елементи и трпезариската и кафе масата, се важни за прифаќање на гости и заедничко дружење со состанарите, кои ако ги имате, вклучете ги во планирањето и реализирајте ја идеата заедно, со заедничко снесување на сметките за нештата кои заемно ќе ги користите.

Модерно, иновативно и интересно домашно катче во сопствен стил

ОБОЈУВАЊЕ

Најчесто издавачот на станот дава одобрување за обојување на ѕидовите според ваша желба, бидејќи со тоа не ја нарушувате структурата на градбата. Обојувањето е најлесниот, најефтиниот и најбрзиот начин да го промените расположението и декорот на просторот. Бидете креативни во координирањето на боите низ просторот и задржете се на една палета од изборни бои кои шематски се повторуваат низ целиот простор на домот. Доколку го делите домот со други лица, тогаш можеби најдобрата варијанта е секој да ја обои својата соба по сопствен вкус и желба, а заедничкото катче да биде заедничка креација. За помали станови, користете посветли бои и нијанси, особено ако има мал број на прозорци. Доколку пак не ви е одобрено обојувањето на ѕидовите од страна на издавачот, размислете за употреба на најразлични висечки ткаенини, материјали и друг украсен декор достапен на пазарот, како и разделувачи на просторот, кои ги има во најразлични изведби, од најразличен материјал, во разни дизајни и бои.

Неколку основни елементи сочинуваат заедничко катче со домашен допир

ПЕРСОНАЛЕН ТАЧ

За да го постегнете финалното и целосното чувство на тоа да се биде дома, внесете свои лични и персонални предмети во просторот. Тука можностите се неограничени и зависат само од вашиот личен вкус и карактер. Поставете слики, фотографии, спомен-таблоа, полици за ваши омилени книги, најразлични декоративни предмети од значење, ЦД-држачи за вашата музичка и филмска колекција и др. Внесете предмети од последниот дом во кој што сте живееле удобно и среќно, така нема никогаш да погрешите.

Целосно индивидуализиран, личен домашен простор

Следниве неколку апликации се големи виновници за собата да изгледа креативна и забавна !

Составен дел од животот на човекот е природата. Живеејќи во цивилизирано општество, тој одамна ја напуштил како негов некогашен дом, навраќајќи се на неа само во одредени ситуации. Сепак, таа никогаш не го напуштила него.

Заради тоа голем е бројот на лица кои сакаат домот на престојување да им поседува поголем природен изглед. Прашање е како елементите на природата, како земјата, водата, воздухот и др., да се внесат во домот на живеење на стилски и декоративен начин.

Тапета со шумски пејсаж во дневна соба со природен допир

БАЗИЧЕН ИЗГЛЕД НА ПРОСТОРОТ

Кога сакаме да создадеме простор со природен изглед, најдобро е да се тргне од основата. Тоа подразбира природно засновување на подот и ѕидовите од собата. Одлучете се за подно патосирање кое е направено од природен материјал, како на пример дрвото, бамбусот, плутата, кои ги има во најразлични изведби. Тоа се материјали кои зрачат со топлина и природност. За што поприроден изглед, избегнете го сјајното лакирање на овие подови.

За ѕидовите употребете бои кои се инспирирани од природата. Неутралните тонови на белите, кремастите и беж нијансите, се добра основа врз која понатаму лесно се гради. Комбинирајте со други бои кои може да се сретнат надвор од домот. Кафеавите и зелените тонови се во контекст со земјата и зелениот растителен свет. Сините нијанси асоцираат на водени пространства и небесни ширини. Жолтите и топли бои внесуваат сончеви и цветни есенции.

Друго решение се тапети со природни дезени или фотографии директно инспирирани од природата. Истите лесно може да се заменат тогаш кога ќе посакате.

УРЕДУВАЊЕ НА ПРОСТОРОТ

Одлучете се за мебел кој е направен од природни материјали. Одржете го истиот природен стил за секој елемент од дизајнот. Масивното дрво во светли или потемни тонови, со карактеристичните текстури, во комбинација со други природни мостри, е едно од добрите решенија за внесување природен дух во просторот. Не заборавајте дека вратите и прозорците треба да ја поддржуваат истата шематска линија на мебелот.

Релаксирачко уреден простор во дрвена изведба

Природно дизајниран мебел во склад со надворешната околина

ДЕКОРИРАЊЕ НА ПРОСТОРОТ

Декорот е тој што може најлесно и најмногу да помогне во креирањето и воведувањето на одреден стил. Природниот стил подразбира декор од природни материјали. Употребете декор директно произлезен од природата, како најразновиден камен, школки, песок, трска, слама, гранки, растенија, кои се само некои основни елементи кои лесно може да се набават. За оние кои сакаат екстравагантен изглед, во предвид може да се земат најразлични подни и ѕидни мозаици од природни материјали. Поставете килими, парчиња крзно, кошници, покривачи и завеси кои ја поддржуваат темата. Запаметете дека декорот треба да ја следи шематската боја на просторот. Декорирајте со помош на овошје и зеленчук. Особено овошјето го внесува тој свеж и животен здив во просторијата, а истовремено е ефтин, едноставен и здрав декоративен начин. Тука може да се размисли и за декорирање со вештачко овошје, но аромата на свежото овошје е незаменлива.

Зеленчук и овошје како декор и аромат на воздухот

ОСВЕТЛУВАЊЕ НА ПРОСТОРОТ

Природното осветлување е незаменливо. Оставете сончевите зраци да се слеваат и да го илуминираат просторот. Отстранете ги тешките и загушливи драпери и завеси и заменете ги со лесен, прозрачен материјал. Тргнете ги сите нешта кои стојат пред прозорците и кои претставуваат пречка за навлегувањето на сончевото осветлување. За оние кои имаат убав поглед низ прозорците, искористете го целосно. Отворете го видикот.

Природни текстури, дезени и материјали имплементирани во домот

Зелен и природен декор за освежување на капатилото

ОЖИВУВАЊЕ НА ПРОСТОРОТ

За оваа цел постојат интересни можности. Најразлични цветни и дрвени растенија, овошја, испуштаат ароматични супстанции кои воздухот го опсипуваат со посебен природен мирис кој може да се сретне во најдлабоките шуми, пространите ливади, широките полиња, езерските и морските крајбрежја. Еден од последните трендови кој се користи во релаксирачката спа терапија е внесување на природни звуци во просторот, шумолење на лисја, жуборење на вода, свржење на ветерот, анимални звуци, кои се нависина ефикасни и ефективни за добра духовна релаксација од секојдневните обврски.

Бидете свој личен терапевт и уживајте во својот дом

Повеќе природа во сопствениот дом никогаш не е на одмет. Бидете креативни и иновативни, имајќи ја на ум идеата за еколошко припаѓање и зачувување, идеата за враќање кон природата, од која и сме произлегле.

Во продолжение за уредување и подобрување на домашната канцеларија, ви претставуваме во кратки црти монохроматска идеа која ја реализирал ентузијастичен корисник на домашна работна просторија.

Бојата на ѕидот е во потемна нијанса на едната страна, со што се става фокусот врз мониторот. Ја редуцирал видливоста на раздвојувачкиот ѕид, со тоа што го направил да изгледа како рамка за слика.

Овој работен простор го изградил околу звучниот систем и ниската маса која е оптимирана за тастатурата – но не за рачно пишување, што е личен избор на корисникот. Висината на работната маса и стол ја одредил според својата висина и потреби и набавил соодветни.

При реновирањето, се измачил да го редуцира хартиениот канцелариски изглед, за да може подобро да си го користи просторот со современи чист изглед. Нема многу предмети во собата, затоа што и не поседувал многу, што е сосема во ред за канцелариски дизајн, кој треба да е среден, уреден и организиран, без натрупаност на сите страни.

Бидејќи додека се одмарал слушал музика или гејмирал, ја адаптирал својата канцеларија со внесување на соодветна електроника за таа цел.

Масата е од ИКЕА и за неа се одлучил затоа што е соодветна според неговата висина и соодветна според цената на чинење, како и дизајнот, кој го обновил со црн спреј на долниот дел од работната плоча на масата, со што создал интересна црна рефлексија од хроматските ногарки. Столот е дизајнерски и сосема соодветен на барањата од корисникот. Жиците во просторот не се расфрлени, собрани се и колку што постојат можности складирани за да не го нарушуваат изгледот.

Од сликата може да се види како се погрижил за средување на жиците.

Во опремата вклучил доста добри звучници за прифатлива цена и тоа во црна боја. Поставени се на поставки кои ги обоил со ударен темно бронзен ефект. Не е видливо, но малку се накосени, за да се редуцира звучната рефлексија од масата.

Набавил и поставил држач за слушалките и тоа во праволиниска нареденост на сите електрични уреди за забава во текот на одморот. Интересно е тоа што држачот не е ништо друго туку држач за крпа кој го нашол во некоја продавница и го исфарбал со црна боја.

Опремата за компјутерската поддршка како модемот, рутерот, принтерот и др., ги поставил во плакарот, бидејќи толку често немал потреба од нив. На истото место ги складирал хартиените документи и датотеки.

Вештачкото осветлување го адаптирал според негова желба, и тоа ноќно матирано и затемнето осветлување.

Употребил халогенска ламба за работната маса, за работа во ноќно време без користење на многу светлина. На сликата се забележува Logitech илуминаторната тастатура, со која многу лесно се ракува при мало ниво на осветлување.

Доколку не се вози велосипедот (најчесто во зима),  препорачливо е да се чува закачен. Еве уште едно решение !

Работење од дома е сонот на многумина околу целиот свет. Сепак не е едноставно колку што изгледа. Потребно е да се организира удобен и практичен простор во кој ќе се работи.

Покрај тоа, просторот треба да е стилски, но не премногу вознемирувачки за да пречи во секојдневната работа. Сé што ќе помогне во ефективното и ефикасното извршување на задачите, со помалку напор и повеќе задоволство, треба да се имплементира во домашниот канцелариски простор. Следат неколку идеи за уредување на домашно биро.

Секој оној кој работи во канцеларија, сака да престојува во пријатен и удобен работен амбиент, без разлика дали уредувањето е навистина спектакуларно или просечно.

Кога се работи за преуредување и уредување на туѓи работни простории, оној кој во нив работи, ретко добива збор за изразување на сопственото мислење и желби за таа цел. Но затоа пак тоа го има во домашни услови. За сите оние кои сакаат да го разубават и направат својот домашен работен простор продуктивен, ова изложување ќе им биде од помош.Без разлика на браншата во која се работи, од основно значење е да се аранжира работната средина така што таа ќе придонесува кон максимална мотивација и продуктивност. Какви и да се буџетот и просторното ограничување, постојат бројни едноставни методи за постигнување на стимулирачка работна средина во домот. ИЗБОР НА РАБОТЕН ПРОСТОР Домашниот работен простор треба да е место во кое непречено ќе може да се задлабочите и да ја извршувате својата работа. За тоа потребно е да се оддели домашниот од работниот живот, со поставување како на физички така и на ментални граници меѓу нив. Атрактивно сценарио е работење на својот лаптоп од спалната соба или од кујната, но сепак најдобриот начин за создавање на мотивирачка и продуктивна работна средина е создавање на посебен работен простор. Идеалното решение за таа намена е посебна соба. Во домовите со помалку простор, тоа може да е дел од некоја соба, како на пример мирен и дискретен дел од дневниот престој.

Дел од дневна соба како работен простор, кој го следи нејзиниот дизајн

ЕРГОНОМСКО УРЕДУВАЊЕ Од есенцијално значење е работниот мебел, масата, столот и дополнителните елементи, да се ергономични и со таа цел уредени. Мониторот, тастатурата, глушецот, лаптопот и другите канцелариски уреди, треба да се правилно позиционирани, според висината и аголот на седењето на оној кој работи. Исто така треба да се обезбеди доволен простор за нозете, од столот кон и под работната маса. Ергономично дизајнираниот стол е навистина добра инвестиција, затоа што на него ќе го поминувате целото свое работно време и ќе си ги заштедите здравствените проблемите кои може да се појават со грбот и држењето на телото.

Ергономско дизајниран мебел за работна соба

ОРГАНИЗИРАЊЕ И ОДРЖУВАЊЕ Организирањето е потреба за секоја ефективна и ефикасна работа. Организирајте го својот работен простор умно и делотворно. Пристапот кон работната маса нека ви биде минималистички, отстранете сé што стои непотребно од неа и складирајте го во соодветни места, фиоки, шкафови, полици, помошни држачи и сл. Доколку ги немате, набавете ги и организирајте ги за содветна намена. Користете ја мислата „близина базирана врз фреквенција на користење“. Тоа што секојдневно се употребува, треба да е поблиску отколку нешто кое што се користи еднаш во неколку денови. Не тргнувајте само од естетичниот изглед, размислете и за практичноста во работата. Без да ја поместувате столицата или да станувате, треба да можете да досегнете слободно до датотеките и до другите елементи како печатари, скенери, со кои работите.

Минималистички организирана и уредена работна соба

Од важно значење е да го средите и организирате хаосот од каблите и жиците на електричните апарати. Каблите се навистина грда потребност во секојдневното општество. Секако дека постои можност да се поседува безжичен глушец, тастатура, интернет итн., но таа опција не постои за секој уред и елемент.

• Врзете ги каблите заедно, барем оние кои имаат заеднички правец. За тоа може да употребите разни ластици или жичени поврзувачи.
• Спојте ги долгите кабли кон ѕидот, оние кои се протегаат од една соба во друга или пак од еден дел на работната соба до другиот. Не оставајте тие да се влечат по подот и да претставуваат пречка за нормално функционирање. Зацврстете ги по аглите на ѕидот со спојки.
• Набавете ретрактивни кабли. Навистина умна иновација е ретрактивната осовина. На тој начин излезните кабли се завлекуваат во еден среден сноп.

Тргнете ја електрониката од видикот. Кабловскиот модем, безжичниот рутер, полначи и др., не би требало да стојат на работната маса и да имате доволно простор за нив врз неа, поставете ги на друго соодветно место. Организирајте и одржувајте постојано. Поефикасно е кога се останува организиран во текот на целата работа, отколку тоа да го правите на крајот од работата. Постојано треба да се трудите да ја одржувате работната маса уредна и организирана. Истовремено обрнувајте внимание на чистотата на работната маса и простор. Од голема помош е поставување на канцелариска корпа за отпадоци, ги има најразлични, дури и со рециклирачка функција. ОСВЕТЛУВАЊЕ И БОЈА Квалитетот на осветлувањето и светлото исто така директно влијаат на работата. Најдобро е кога целосно се искористува природното осветлување и кога се додава правилно и соодветно вештачко осветлување, кое треба да е меко, топло и истовремено јасно и чисто. Ако канцеларијата нема доволно природна светлина, тогаш исправете го тоа. Обезбедете чисти и сјајни прозорци, низ кои светлината лесно и целосно ќе влегува во собата. Употребете ја рефлективната моќ на огледалата, со нивно поставување на места каде продираат сончевите зраци. Докажано е дека боите влијаат врз расположението на човекот, што директно влијае врз неговата продуктивност. Заради тоа внимателно треба да се креира шема на бои во работниот простор. Направете го тоа со помош на обојување на ѕидовите или некој дел од нив, потоа со помош на постери, слики, фотографии. Поставете интересен десктоп или скринсејвер на екранот.

Земјени тонови и нијанси на бои, со соодветно искористување на светлината

ДЕКОРАТИВНИ ЕЛЕМЕНТИ Декорирањето на домашниот работен простор треба да ги исполнува и двата услови, на естетичност и на функционалност. Доколку не пронајдете елемент кој ги поддржува и двете теми, тогаш набавете и поставете елементи кои се практични и елементи кои ја зголемуваат естетичноста на просторот. Во еден работен простор како декоративен практичен елемент, може да се постави ѕиден планер, табла од било кој вид или календар, кои ќе ви ја олеснат работата при нејзиното организирање и планирање. Во денешно време се произведуваат најразлични дизајни на канцелариски помошен материјал, кој истовремено е функционален и декоративен. Набавете некои интересни и иновативни држачи за прибор, хартии, документи, нотеси, декоративни асесоари како усб топлечки шолји, ламби, вентилатори и сл. Навистина има голем избор, потребно е само да размислите што е тоа што би ви користело во текот на работата и дасе одлучите за одреден дизајн.

Современ дизајн на работна соба со урбани декоративни елементи

Внесете малку живот и природност со поставување на некое зелено растение во работната соба или пак аквариум со колоритни рипки и друг воден живот. Тоа ќе ја разбие монотонијата и истовремено ќе внесе свеж дух во просторот. И ставете потсетник на ѕидниот нотес, за наводнување на растенијата и хранење на водениот свет, за што сигурно ќе најдете време, додека правите пауза од работата.

Следниве соби се производтсво на Италијанскиот производител Dielle, од нивната последна колекција наречена X-Cab за оваа година.

[easingslider]

Немате простор за својот велосипед, еве еден ХАК за начинот на сместување на истиот, како и за заштитната кацига и другите додатоци.

Мене лично позадинава ми дава инспирација. Можеби изгледа чудно и језиво, но со позадинското светло делува пак некако смирувачко и интересно.

Како од еден дел од просторија на поткровје ( со постоечки очак по вертикала) и косина, да направите плакар со лизгачки врати.

Најпрво е направена скица во Google SketchUp , потоа се гледа како е направена конструкцијата со летвички и на крај финално целиот плакар.

Интересен кревет со многу простор под него. На следниве 28 слики имате детални инструкции за него. Од обични два затворени елементи со полици со дебелина од 38 мм. ( не е задолжително, може и со  25 мм) до доста функционален и просторен кревет.

На кого му чепка рачето!

Со среќа.