При избор на бојата, важна е големината на просторот. Поголемите и просторни бањи нудат поголем избор на бои за ѕидовите и за нивниот декор, како и можност за играње со бои, од земјени и природни бои и тонови до морнарскосини и длабокотемни, како и комбинации на различно обоени ѕидови
Природата внесена во домот со комбинација на современо-рустикален стил, комплетиран со додатоци од природни материјали.
Бањата е еден од основните простори во домот, без кој не се може. Како таква, нејзината првобитна функција е општопозната. Удобен дом значи удобно чувствување во него, во сите негови простории. Вклучете ја имагинацијата и заедно со знаењето создадете уникатна бања, извлекувајќи го максимумот од неа.
БОЈАТА КАКО ОСНОВА
Без разлика на стилот на бањата, бојата е основата што го носи изгледот и чувството во неа. Изборот е најразличен и секогаш воден од личниот вкус, сепак треба да се имаат на ум некои битни нешта. Тесните и мали бањи најдобро е да се обоени во бело, поплочени или тапетирани, со цел да се добие визуелен впечаток на поголем простор. Овој впечаток се засилува уште повеќе ако елементите на бањата се во бела боја. Но, за оние што не се љубители на клиничко белиот стил, може да изберат елементи во која било боја и сепак да не одземат визуелно голем дел од просторот. Поголемите и просторни бањи нудат поголем избор на бои за ѕидовите и за нивниот декор, како и можност за играње со бои, од земјени и природни бои и тонови до морнарско сини и длабоко темни, како и комбинации на различно обоени ѕидови. При избор на бојата, важна е големината на просторот.
ОСВЕТЛУВАЊЕ НА БАЊАТА
Осветлувањето е битен сегмент во декорирањето на просторот. Истото важи и за декорирање на бањата или при нејзиното ремоделирање. Размислете добро за природното осветлување и каде да го поставите вештачкото. Ако светлосните извори се поретки и ако имате простор, на пример на полица во бањата, земете предвид поставување на мала ламба врз неа или пак вградете го светлото во неа или под неа. Постојат најразновидни светлечки извори во најразлични бои и дезени. Поставете ги светлосните извори онаму каде што сакате да нагласите некој елемент или дел од просторот. Јачината на светлосниот избор треба да е водена од ефектот што сакате да го постигнете, силен и јак или, пак, придушен и интимен.
ОГЛЕДАЛА КАКО ДЕКОР
Огледалото во бањата може да биде силен декоративен елемент. Огледалата имаат особина да го направат просторот да изгледа комплетно поголем и попримамлив. Поставувањето на огледала зависи во голема мера од осветлувањето на просторот. Водете се според тоа, доколку е поставено прво осветлувањето и, обратно, доколку се поставени огледалата прво, според нив поставете го осветлувањето. Изборот на огледала е неограничен, но ограничете го според формата и големината, во согласност со ѕидниот простор. Различните форми и големини даваат различни ефекти. Овалното огледало и дава поинаков изглед на бањата од квадратното. И огледалото по цела должина на ѕидот наспроти малото огледало еден на еден, на бањата и дава сосема поинакво чувство. Размислете за врамување на огледалото, доколку ви се допаѓа тој стил, како и за декорирање со адекватни додатоци кои ќе го поддржуваат стилот на бањата. Повеќе огледала – поголем простор.
Врамено огледало во соодност со други дрвени елементи, акцентирано со дизајнерски светлосен извор, спојувајќи ги рустикалниот и елегантниот стил.
ДЕКОРАТИВНИ ДОДАТОЦИ
Додатоците во бањата секогаш треба да бидат во склоп со нејзиниот стил, да ја следат стилската линија на бои и форми и, секако, материјалот. Растенија, празни вази, вази со цвеќе, разни видови свеќи и аранжмани, мирисливи масла и стапчиња со соодветни додатоци, завеси или паравани, декоративни елементи од природни материјали или пак сјајно метални или матирани… Изборот е навистина неограничен. Создадете велнес-чувство, внесувајќи го вашиот личен вкус и карактер во бањата на вашиот дом со декор во согласност со стилот.
Уникатно експресионистичко капатило во медитерански стил со пејсажен допир.
-
21 ИДЕА ЗА РЕНОВИРАЊЕ НА БАЊИ
19 May 2010 9:10 PM | 2 КоментариДоколку изгледот на бањата ви здосадил и сте решиле да го промените, пред на го направите тоа, разгледајте ги следните идеи. Декорирањето на бањата звучи едноставно, но сепак не е ако сакате тоа да го направите со стил. Внатрешното уредување на бањите вклучува многу повеќе отколку два три секојдневни елементи.
Повеќе -
Модерен мебел за бања од Stemik Living
27 November 2009 7:09 PM | Нема КоментариОваа убава колекција на мебел е од Англискиот производител Stemik Living . Црните сјајни врати во комбинација со алуминиумски рамки му дава посебна убавина и дизајн, Обрнете внимание на огледалото!
Повеќе -
Огледала од иднината во сегашноста
08 April 2010 3:23 PM | 1 КоментарИндустријализацијата придонесе за енормен пораст на новата висока технологија, развој што континуирано се одржува и го менува општеството. Сите сфери на човековото постоење и работење се целосно опфатени од техника и технологија, што речиси и нема нешто што не е можно. Така и кога станува збор за домот, неговото уредување, како на ентериерот така и на екстериерот, еден модерен и современ простор може да биде високотехнолошки опремен.
Повеќе -
Убава модерна бања
23 October 2009 1:15 AM | 1 КоментарPlay значи да се изврши, за се земе суштината од нешто. Play истотака е последната колекција на мебел за бањи од SONIA. Елементите се изработени од специјална маса, која е отпорна на вода и е многу лесна за одржување. Можам да кажам дека Play е...
Повеќе -
СОВРЕМЕН ЕНТЕРИЕРЕН ДИЗАЈН
01 June 2010 5:46 PM | 2 КоментариЕнтериерниот дизајн во денешницата е важна тема за која се дискутира и на која се работи во секоја сфера од општествените домени. Било да се работи за дизајн на дом, на работни простории, на канцеларии, маркети, стоковни куќи, модни студиа и каде ли уште не. Кога станува збор за внатрешното уредување на домовите, во последно време трендовите се движат во ентериерно уредување на домовите според личниот профил, потреби и барања, во склоп со одреден стил кој одговара на карактерот и вкусот на сопственикот.
Повеќе
